ສສ ຫວຽດນາມ ຈະສົ່ງອອກມັນຕົ້ນໃຫ້ບັນລຸເຖິງ 2 ຕື້ໂດລາໃນປີ 2030
ວິທະຍຸກະຈ່າຍສຽງແຫ່ງຊາດຫວຽດນາມລາຍງານວັນທີ 2 ພຶດສະພາ 2024 ນີ້ວ່າ: ກະຊວງກະສິກຳ ແລະ ພັດທະນາຊົນນະບົດ
ຫວຽດນາມ ຫາກໍຢືນຢັນແຜນຮ່າງ “ພັດທະນາ ແບບຍືນຍົງຂະແໜງສິນຄ້າມັນຕົ້ນ ຮອດປີ 2030, ວິໄສທັດຮອດປີ 2050”.
ໂດຍການພັດທະນາຂະແໜງສິນຄ້າມັນຕົ້ນໃຫ້ເປັນປົກກະຕິ, ມີສະຖຽນລະພາບ ແລະ ຍືນຍົງ, ສ້າງການຮ່ວມສຳພັນຢ່າງແໜ້ນ
ແຟ້ນລະຫວ່າງ ການຜະລິດ, ການປຸງແຕ່ງ ແລະ ການບໍລິໂພກຜະລິດຕະພັນ ເພື່ອແນໃສ່ສ້າງມູນຄ່າເສດຖະກິດໃຫ້ສູງ, ປະກອບສ່ວນແກ້
ໄຂວຽກເຮັດງານທຳ, ລົບລ້າງຄວາມອຶດຫິວຫຼຸດຜ່ອນຄວາມທຸກຍາກ, ຍົກສູງຊີວິດການເປັນຢູ່ຂອງປະຊາຊົນຢູ່ເຂດຊົນນະບົດ, ຍົກສູງມູນ
ຄ່າວົງເງິນສົ່ງອອກ ແລະ ປົກປັກຮັກສາສິ່ງແວດລ້ອມ. ກະຊວງກະສິກຳ ແລະ ພັດທະນາຊົນນະບົດໄດ້ວາງເປົ້າໝາຍຮອດປີ 2030, ປະ
ລິມານມັນຕົ້ນສົດຂອງທົ່ວ ປະເທດ ຈະບັນລຸປະລິມານ 11,5-12,5 ໂຕນ, ວົງເງິນສົ່ງອອກມັນຕົ້ນ ແລະ ບັນດາຜະລິດຕະພັນຈາກມັນຕົ້ນ
ຈະບັນລຸແຕ່ 1,8-2 ຕື້ໂດລາ ສະຫະລັດ. ຮອດປີ 2050, ຂະແໜງສິນຄ້າ ມັນຕົ້ນຂອງ ສສ ຫວຽດນາມ ຈະບັນລຸວົງເງິນການຄ້າສົ່ງອອກ
ມັນຕົ້ນ ແລະ ບັນດາຜະລິດຕະພັນຈາກ ມັນຕົ້ນປະມານ 2,3-2,5 ຕື້ໂດລາສະຫະລັດ. ຕາມແຜນຮ່າງດັ່ງກ່າວແລ້ວ, ທົ່ວປະເທດຫວຽດ
ນາມ ຈະມີ 5 ເຂດຈຸດສຸມ ພັດທະນາມັນຕົ້ນ, ພັດທະນາການປຸງແຕ່ງມັນຕົ້ນ.
ແຫຼ່ງທີ່ມາ: ໜັງສືພິມກອງທັບ
ວັນທີ 07/05/2024